Brotist inn

Inn á heimilið hefur brotist inn Flensa.....hún náði Hermanni en ég berst við hana og vonast til að vinna hana. Hún læddist inn í gær dag með smá hósta í Bóndanum. Síðan í gærkveldi um 10 þá réðist hún til atlögu og Hermann féll strax í valinn....núna liggur hann útúrdópaður annað hvort að drepast úr hita eða drepast úr kulda. En ég eins og sagt áðan reyni að berjast við að hunsa hana þó að það sé kláði í eyrum og háls skrítinn...

Hermann minn láttu þér batna

AFMÆLISSTELPA!!!

Hún Guðbjörg Lilja

litla systir mín

á

afmæli í dag

Hjartanlega til hamingju

með afmælið

njóttu dagsins.

AFMÆLISSTRÁKUR

Hann Hermann minn á afmæli í dag, orðin fullorðin 41 árs.

Hjartanlega til hamingju með afmælið Mannsi minn

verst að þú ert ekki heima til að fá köku

en við borðum bara góðan mat á föstudaginn

til að bæta það upp

Hér eru tíu einfaldar leiðir til að dekra við sig og njóta þess að slaka á án þess að þurfa að eyða fortune.

1. Slökktu á símanum þínum og heimasímanum og gleymdu heiminum í smá tíma.

Slökktu á farsímanum

2. Kveiktu á ilmkertum eða bara venjulegum kertum og farði í langt, heitt bað eða sturtu.

Kerti skapa alltaf góða stemmningu

3. Þurrkaðu andlitið á þér þannig að það sé enginn raki í því. Settu svo á þig Vaselin og hafðu það á yfir nóttina. Húðin verður ótrúlega mjúk og fresh eftir það.

Mjúk húð

4. Settu á þig Aloe vera gel eða krem á andlitið, það er svo friskandi! Náðu svo í hárblásarann þinn og notaðu kaldan blástur á andlitið á þér í 5 mín. Ég veit að það hljómar skringilega en það er ótrúlega þægilegt.

5. Daginn áður en þú ákveður að hafa „spa day“ skaltu fara í Office 1 eða í aðra búð og kauptu 2-3 tísku- og slúðurblöð. Komdu þér svo vel fyrir í sófanum eða upp í rúmi, kveiktu á lampa og flettu í gegnum blöðin.

6. Láttu makann þinn eða einhvern sem þér líður þægilega í kringum nudda á þér axlirnar og bakið.

7. Taktu gamla naglalakkið af þér og náðu þér í skál. Settu volgt vatn í hana og hárnæringu eða baðolíu í vatnið. Settu svo hendurnar þínar ofan í skálina í svona 10 mínutur til að mýkja þær.

8. Mani-Peddí : Eftir að þú hefur verið með hendurnar í skálinni skaltu snyrta neglurnar þínar og naglalakka þær í flottum lit.

9. Settu skemmtilega mynd eða skemmtilegann þátt í dvd tækið, kauptu þér súkkulaði og eyddu kvöldinu í að kúra uppi sófa að horfa á eitthvað.

10. Settu á þig andlitsmaska og gúrkusneiðar yfir augun. Kveiktu á róandi tónlist, leggstu niður og slakaðu á.

Skírn í gær

fór í skírn í gær...þar var fagur söngur, engin kirkjukór...þannig að það voru bara 2 fjölskyldur sem góluðu einhverja sálma...síðan var gusað vatni yfir saklaust sofandi barnið og honum gefið nafnið MARKÚS MÁNI...upprennandi handboltastrákur. Ennig var haldið upp á afmæli Kristófers Mána sem verður 2ja ára á morgun...Siggi & Kata til lukku með strákana ykkar...og takk fyrir mig í gær.

Fyrsti snjórinn

Þá er það fyrsti snjórinn sem kemur á þessu hausti...eða nei það er víst búið að snjóa 1x áður akkurat þegar að við vorum að smala...en hann fór samt um daginn þannig að það er ekki að marka. En núna helst snjórinn lengur og snjóar smá enn. Það er fallegt þegar að jörðin er komin með hvítu sængina sína, allt verður svo hreint og fallegt. Snjórinn fellur af þakinu meðan að regndroparnir leka af húsþökunum.

Annars er ekkert að frétta úr Flísinni....jú nema að Siggi bróðir ætlar að skíra um helgina og ég get ekki ímyndað mér hvað það verður....kannski Hallgrímur eða Halldór....en samt ég veit ekki...kemur í ljós um helgina.

Þangað til næst.

Daginn

Fékk lánað hjá Hörpu vinkonu minni...fannst þetta sniðugt

Úr kennslubók í heimilisfræði:

Svona var þetta í gamla daga..Þessar reglur eru teknar úr kennslubók í heimilisfræði síðan 1950.

1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karmönnum nauðsynlegt.

2. Notaðu 15mín. til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur. Vertu svolítið hress og skemmtileg til að hressa hann við.

3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.

4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim.. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.

5. Sjáðu til þess að húsið sé hljóðlátt. Slökktu á öllum vélum, s.s. uppþvóttavél, þvottavél, þurrkara og ryksugu. Reyndu að sjá til þess að börnin hafi hljótt. Taktu á móti honum með glöðu brosi.

6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.

7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.

8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.

9. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

finnst á http://harpalisibet.blogspot.com/...sniðug stelpa hún

Fellshíðarhjónakornin

Haust

Nú er haustið komið þó að ég sé ekki sátt við að það fari að snjóa fyrir miðjan sept þá gerði það. En svo hafa komið góðir dagar eftir og við búin að smala og fundum allar okkar kindur nema 1 lamb. Ég tel það gott....já Dóa Skutla & Skvísa komu og eru stórar og glæsilegar. Fróðir segja að það séu engin ber og lömbin eru frekar smá eftir sumarið. Kannski hefur að eitthvað að gera með lélegt sumar.

Er strax farin að bíða eftir að ný sería af True Blood komi og það er nú tæpt ár í hana.....löng bið....

Fréttir úr Flísinni er lokið, þangað til næst.

Ég er á lífi...

Bara að sýna ykkur að ég er á lífi hér. Tók eftir því að ég hef ekki bloggað síðan 15. des 2010...það er doldið sorglegt en maður verður nú að gera eitthvað í því.

Búið að vera vetur, ágætur
- '' - vor, skíta vor var alveg fram í lok júní
og núna er sumar, og það bara ágætis sumar...maður er að vísu hættur að vera með kröfur, ef að talan er tveggjastafa þá er maður sáttur.

Þangað til næst

LONG TIME NO SEE

Já það lítur út fyrir að ég sé ekkert mjög dugleg að blogga þetta árið.

En...hér er allt gott að frétta, allir frískir og svalir í kuldanum, kom smá hláka til að vekja mann upp af góðum draumi, rann nebbla niður fellið á hliðinni, en lifði það af og fór og vinsamlegast bað um að vegagerðin gerði eitthvað við þetta skautasvell sem væri í brekkunni.

Mannsi er hress, þó að hann líti út eins og fílamaðurinn á næturnar....eða eins og fíll...með rana;) og Blíða er hress þó að hún sé að eldast.

Það var verkaskipting á heimilinu, miklar samningaviðræður voru síðastu jól og komist var að niðurstöðu. Hermann bakar (sem er fínt, finnst það leiðinlegt) og ég skreyti (sem er mjög gott, því að Mannsi þolir það ekki). Allir sáttir við þessi skipti og jólaundirbuningurinn gengur mikið betur. Jólin meiga alveg bara fara að skella á, búin að skreyta jólatréð og allt að verða tilbúið. Enda eru að koma merkir gestir til mín um helgina og þá verður allt að verða klárt í húsinu, ekki hefur maður allt í drasli þegar að Guðrún Kristín og Erna Kristín koma í heimsókn.

SÍÐASTI DAGURINN!!!!!

Já í dag er síðasti dagurinn sem ég er á létta skeiðinu. Ég sé að vinir mínir sem eru eldri en ég hafa komist yfir þetta. En maður veit aldrei.....hvað ef það gengur ekki. Að verða 35 ára er ROSALEGA stór áfangi og ég er ekki viss...

En nóg með djókið...hér er allt gott að frétta....held að sumarið sé farið að láta kræla á sér, allavega er norðanáttin hlí, það þýðir að það sé komið sumar. Júróvísjón var athygliverð, ROSALEGA MIKIÐ AF LÉLEGUM LÖGUM. Maður náði ekki einusinni að finna smá kitl í höfðinu. En samt var borðaður góður matur með frábæru fólki og það er allt sem þarf, bara að lækka í sjónvarpinu og þá var þetta fullkomið.

Við vorum nú að hugsa um að spila "The Rocky Horror Picture Show" því að þar værum við örugg með góða tónlist en Todda (mesta júrónördið) var ekki sátt með það.

Jæja þa er ég hætt, kemur í ljós hvort að ég hafi orku í að pikka eitthvað meir þegar að maður er komin af "léttasta skeiðinu"

Þangað til næst

Ég er á lífi...

...bara að láta vita að ég sé á lífi, þó að ég hafi verið löt að skrifa. Hér í Flísinni er komin sauðburður og ég bíð bara eftir því að það verði hlítt...læt vita þegar að það verður hlítt

Ætti kannski að segja eitthvað

Núna er Sprengjidagur og það fæst ekki saltkjöt í búðinni, í gær var bolludagur og engar bollur í búðinni, spái því að það verði ekki til páskaegg í búðinni um páskana.

Gleðilegt ár...

Gleðilegt ár og vona að árið 2010 verði skemmilegt fyrir ykkur öll

Tónlistin í dag...

Music Playlist at MixPod.com

Des

Núna er desember komin og ég er að hugsa um að reyna að baka á morgun...veit ekki alveg hvort að það verður vandræði eða bara góðar Sörur og súkkulaðibitakökur...það kemur í ljós.


Hér í kotinu eru allir frískir...sérstaklega þá Blíðan, hún er nebbla búin að fá gólfhita í herbergið sitt...og er svooooooo ánægð með það, Hermann að drukkna í verkefnum og allt er að koma hjá mér...

Þangað til næst

Pathfinder

Var að horfa á mynd áðan, sem er kannski ekki frásögu færandi nema það hvað hún situr í mér. Pathfinder er mynd sem Karl Urban leikur í og ég beið spennt eftir því að fá að sjá hann á skjánum. Myndin fjallar um þegar að Víkingarnir komu til Ameríku og SLÁTRUÐU Indjánunum bara til að losa sig við þá áður en að þeir myndu flytja þangað. Lítill víkingastrákur er fundin af indjánakonu sem tekur hann að sér. Síðan er þorpið hans tekið og slátrað, allt brotið, bramlað og kveikt í öllu í lokin. Myndin fjallar um hvursu Víkingarnir voru miklir HROTTAR og hversu illa hefur alltaf verið farið með Indjánana.
Ég horfði bara á skjáin og fann í ógeðslegustu atriðunum að það komu tár í augu en ég gat samt ekki lokað þeim. Þetta er kannski ekki óskarsverlaunamynd en hún situr enn mjög fast í mér.
Það sem verst er að ég gat ekki notið þess að horfa bara á Karl Urban og leyfa mínum augum að renna yfir hans fallega líkama...því að eins og þið vitið þá eru Indjánar í kvíkmyndum lítið klæddir...alltaf naktir að ofan...nema að það sé mjög kallt.

Þá er nóg í bili hérna megin...nema

Enn ein helgin...

Ég held að ég sé orðin gömul...þegar að vikurnar líða svo hratt að það eru stanslausar helgar...annað hvort það eða að ég fæ bara blackout þegar að það kemur vinnuvika.
Her er samt allt við það sama...ég dansa snjódansinn svo að ónefnd systkini verði ánægð um páskana og komist á sleða. Er komin með strengi um allan líkamann á þessum dansi...þetta er svona regndans nema aðeins kaldara look á þessu öllu. Ég reyni að synda eins og vindurinn flesta morgna en stundum er nú frekar kallt eða bara of þreytt til að nenna að fara úr hálf nakin í kulda og svo í svalt vatnið...ég er nú samt komin með hjálpartæki fyrir þetta skóflur á hendurnar og froskalappir á fætur....þannig að ég geisist áfram eins og enginn sé morgundagurinn.
Núna er ég búin að mála norðurherbergið þannig að þessi horror appelsínuguli litur er hættur að angra mig og núna lítur herbergið út fyrir að vera bara stórt, svo er planið að parketleggja það á þriðjudaginn.

Jæja nóg af mér í bili...ætla að fara í sund og synda á eftir
Þangað til næst

Háhraðanet!!!

JIBBÝ SKIBBÝ JIBBÝ....
Háhraðanetið er komið...og ég sit bara hér alveg í sjokki yfir því hvað allt er fljótt að gerast...og ég er ekki nógu fljót að hugsa fyrir þetta núna...